Home LATEST ARTICLES Foldable Screen Laptop, Kitna acha hai Lenovo Thinkpad X1 Fold

Foldable Screen Laptop, Kitna acha hai Lenovo Thinkpad X1 Fold

0
Foldable Screen Laptop, Kitna acha hai Lenovo Thinkpad X1 Fold

Foldable screen devices ka naya yug (New Era) shuru ho gaya hai aur ane wale future me hum bahut se device es type ke screen ke sath dekhenge, jaise ki hum abhi smartphones or laptops me ye technology dekh pa rahe hai. CES 2020 me Lenovo ne finally ek foldable screen laptop ko launch kar diya hai, Dell ne bhi apne taraf se 2 prototype showcase kiye hai esi concept ke upar usme se basically ek hi laptop foldable screen ke sath tha, dusra laptop ek dual-screen model hai. Intel ne bhi press conference me apne project Athena ke under “Horseshoe Bend” laptop ko showcase kiya jo ki again ke foldable screen laptop hai. Lenovo ThinkPad X1 Fold ke bare me hum age aur bhi baat karenge, pehle thoda foldabe screen laptops ke bare me baat karte hai.

Usage

Agar uses ki baat karu to jarur foldable screen kafi kaam ka sabit ho skta hai. Sabse pehli baat foldable hone ke karan edge to edge (Except Bezels) screen milega jo ki big screen ka advantage dega chote form factor me. Screen ko split karke multiple work kar skte hai, Data comparing, designing, content creating me overall kafi productivity badh jayegi. Normal traditional laptop ke tarah bhi use kar skte ho, agar physical keyboard nahi bhi hai to (Bluetooth Keyboard attach karne ka option milega), touch keyboard se apna work khatam kar skte hai. There are more you can find in the below video.

Laptop ko puri tarah se unfold karke big screen ka advantage le sakte hai landscape/portrait jaisa chahe waise use kar skte hai. Physical keyboard mouse attach karne ka option milta hai jiski wajah se aap full fletch computer ki tarah office me, Ghar me use karke, kaam khatam hote hi wapas fold karke kahi bhi le ja skte hai. Overall portability ki baat karu to carry karne or store karne me koi problem nahi hone wali hai.

Es type ke laptop me hume always connected (5G), Fast charging, all-day battery life, Stylus pen support jaise feature bhi milenge but features different brands ke according thode alag ho skte hai. Powerfull and power-efficient CPU rahega. Intel’s Tiger lake and Lakefield CPUs ko use kiya ja sakta hai, Intel engineers ne Lenovo ki X1 Fold banane me help kari hai to unke CPUs hi power karenge laptops ko (as of now). Abhi jitne bhi foldable screen laptops hai sabhi prototype me hai, Lenovo X1 Fold ko chod ke. Sabhi foldable laptops me abhi regular Windows 10 use kiya ja raha hai jo Foldable screen laptops ke hisaab se optimized bilkul bhi nahi hai. Windows 10X especially designed OS hai jise foldable devices ke liye optimized kiya gaya hai taki laptops ki productivity jyada badh sake. But as of now Windows 10X ka koi exact release date nahi pata (maybe end of 2020). So OEMs/Manufacturers are using the regular version of Windows 10.

Cons and My Concerns

Cons ki baat karu to jyada kuch me abhi nahi bolna chahunga kyu ki devices puri tarah se ready nahi huye hai aur jo ready hai wo users ke pass nahi pahuche hai , to ye kafi jaldi ho jayega kuch galat kehna inke bare me. but mere kuch concerns hai jinke bare me baat karna chahunga.

  • Hinge Durability.
  • Folding screen durability
  • Screen crease.
  • Delicate due to lots of small moving parts.
  • Overall performance in longterm usage in Hardware and Software.

So ye the mere concerns hai en laptops ko leke. Year 2020 start ho gaya hai my friends, foldable devices ka show shuru ho gaya hai aur age future me hume aur bhi information milti rahegi foldable screen devices ke bare me.

Lenovo ThinkPad X1 Fold

Lenovo ne ThinkPad X1 Fold ke development me lag bhag 4-year ka samay lagaya hai, jise mid 2019 me tease bhi kiya gaya tha. Intel ke engineers ne bhi leneno ki help kari hai es foldable screen laptop ko develop karne me. Lenovo ne ThinkPad X1 Fold ko CES 2020 me launch kiya jiske wajah se Lenovo world ka first brand ban gaya hai jisne foldable laptop ko launch kiya hai. World’s First Foldable Screen laptop is Lenovo ThinkPad X1 Fold.

X1 Fold me 13.3-inch ka 2K, pOLED touchscreen display milta hai jise LG ne banaya hai. LG ke es display ka extensive durability test kiya gaya hai, sath me pure screen ko 2 carbon fiber plate se support diya gaya hai taki screen ki durability achi ho aur Folding/Unfolding ke waqt screen strong rahe. Ye laptop ek always-connected(5G) PC rahega powered by Intel Core Processors, Windows 10 operating system ke sath. Jab Windows 10X release hoga tb esme bhi offer kar diya jayega aisa Lenovo ne kaha hai.

X1 Fold me unique multi-link torque hinge diya gaya hai, kafi different design aur variations test karne baad jo stress ko ache se manage kare screen ke Fold/Unfold hote samay. X1 Fold fold hoke chote se book type ban jata hai jise aap kahi bhi easy carry kar skte hai aur store kar skte hai. Weight bhi around 1 Kg ke pass hai. Es laptop me leather cover diya gaya hai jisme ek KICK-STAND integrate kiya gaya jo big screen ka advantage lene me help karega. Laptop ke sath bluetooth mini fold keyboard bhi milta hai, achi baat ye hai ki keyboard laptop me hi magnet ke help se attach ho jata aur wirelessly wahi par charge bhi hota hai aur waise hi aap laptop ke sath carry kar skte hai, to keyboard ko alag se carry or charge karne ka problem nahi hai. Sath me apko pen bhi milta hai jisse aap different work ke liye jaise Notes, Drawing, Scroll purpose ke liye use kar skte hai.

Price and Availability

Lenovo ThinkPad X1 Fold ki expected price $2499 (₹1,80,000+Taxes Extra) batae ja rahi hai. Ab ye laptop jab available hoga mid 2020 me tabhi confirm price eski pata chal payegi. Lets hope for the best for Lenovo sab chije thik ho aur proper time me launch ho paye ye laptop. Watch my whole video on this below.

https://youtu.be/S3eAVCMC1VE
World’s First Foldable Screen PC, Lenovo ThinkPad X1 Fold complete detail, Specs, Price, availability and more

LEAVE A REPLY

Please enter your comment!
Please enter your name here